經常在新聞聽到或看到關於寬頻公司服務或推銷手法方面的投訴
近月的個人經驗令魔鬼不得不說一句
寬頻公司都係賊來的?

第一間令我怒火中燒的是netvigator
約滿沒有特別優惠
唔順氣你咪取消服務佢
電訊公司對舊客戶不肖一顧
希望你嫌煩不轉公司的方針
已經見怪不怪
亦不會使我動氣
你唔珍惜舊客我咪轉公司

電訊公司取消服務麻煩亦是意料中事
但netvigator取消服務卻是煩中之煩
因為他"只"接受"郵寄"申請
現在是什麼年代
傳真申請都不接受
分明是玩野吧
算!!!! 你要郵寄我便郵寄
對附近沒有郵局的人來說
當然不會寄掛號
打電話查詢是否收到取消服務要求
netvigator又說需時兩星期辦理
之後會有專人聯絡你

不經不覺又收到下一期帳單
查詢之下
結果當然是 "收唔到"取消的申請
好!!!! 當我笨唔用掛號
一個月月費當我比左乞兒
去你門市交form得唔得
"先生,門市都係代收幫你send上總公司, 唔係代表已接受取消服務"
"得, 好過你話寄失"
上到netvigator門市交低張申請
門市職員重覆講只係代收幫你send上總公司

以為完事
已經申請左第二間網絡公司
打去想問幾時終止服務
打去客服問啦
成日就話線路煩忙要你等待
最長試過等20分鐘都重係等待
終於有次打得通有人接
"我地冇收到你終止服務申請喎"
pk呀!!!!又黎呢招佢面唔面紅架
剷到佢上左天
佢又話要查一查覆我
之後攪左n咁多次
終於話收左機先
條數點計下回分解
點知收機收左3次
次次都話打左電話比我但沒人接聽
真係佢講曬
第一次收唔到機就整張2xxx既單比我
話我唔還機
上你門市還比你得未呀
"先生,唔可以架,一定要上門收機"
p你個k
又要我係屋企成晚等你
終於第3次先有上門收機

一個轉頭
收數公司搵我追交寬頻服務費
(自從申請終止服務就冇交錢, 冇理由prepaid追佢退錢)
咁當然又好辛苦打去客服度投訴
又話條數點計下回分解
條數未都分解
你就搵收數公司追我?
又剷到佢上天
好勒, 終於話扣番一個月服務費比我
(即係第一次郵寄取消都係冇得計)
另外話會通知收數公司停止搔擾我

第二日番到屋企
管理員陰陰笑同我講
"x生,近來好唔掂咩,今日有收數公司上黎搵你, 我當然幫你擋住佢, 唔比佢入黎啦"
聽完慶到爆燈
昨日先同我say sorry減番一個月月費比我兼通知收數公司停止搔擾我
轉頭第二日收數公司上門
係唔係玩野!!!!!
重要比個大口管理員恥笑我
嬲到幾乎爆血管
再打去客服
都係要等十幾二十分鐘先有人接聽
又剷到佢地上左天
又要等佢地再研究
攪左幾日終於再say sorry免多我一個月月費
頂!!!! 兩個月月費唔係大曬
成日打電話去x佢
次次等十幾二十分鐘等佢接聽
持續做左兩個多月
電話費加時間真係蝕曬比佢
不過都唔想再同佢糾纏
心想
寬頻公司真係賊來的!
如果唔係我夠惡同埋我第二次唔係直接上佢公司交form
容咩易比佢屈到交多兩個月"正價"上網費用
點知一波未平一波又起
且看下回分解